阿水醬的花痴園地

昨天，見天氣這麼好，就混到海德公園踩單車。

不過因為前一天落了整天的雨，

結果仆了兩次街。。。

sosad。。。

我踩的是barclays 的公共單車，

由於這些單車主要對象是當地居民吧，

結果部單車對於我來說超大部 T^T

坐咗上去對腳係掂唔到地架 T口T

所以我覺得我仆都好正常。。。

不過呢度人好nice呀，

我仆咗係地下度好多人都會走過嚟問我有無事，

我同佢講話無事佢都會再問多我一次係咪真係無事，

超好人。

我之前拖住部車仔去買嘢，

結果搭地鐵要行樓梯哥時超辛苦，

跟住有個女走埋嚟問我駛唔駛幫手，

我話唔駛，

但佢都係堅持要幫我抬d嘢落樓梯。

d人真係超好人！！

呢點我地真係要學吓！！

其實d單車用法幾簡單，

首先就插張信用卡入去，

跟住佢就會收取你一磅（一日）或者五磅（一星期）的費用，

然後你只可以係所選取的時段任用部單車。

當然，

佢係有時間限制ge，

頭半小時免費，

一小時一磅，

個半小時就四磅等，

而且隨着你用ge時間越長，

所收除ge費用就越高。

但係由於佢頭半小時係免費ge，

只要你係半小時之內泊翻好部車，

就唔會另外再收錢，

五分鐘過後就可以重新攞個部車嚟踩。

姐係話，

如果你俾咗一磅ge一日費用，

咁只要你每次都唔踩過半小時，

咁你就可以係該時段（姐係一日）內免費任用，

感覺上都算幾抵ge。

可惜部車有d大部，

我諗住今年練好d技術，

出年就買翻部細部d ge嚟踩。

第二次漫步海德公園，

結果影咗唔少相。

接下來就係照片分享的時候：

仆街過後的朱古力

樹下一群鴨

仆到成腳都係泥

觀鳥圖，不過我覺得認真搵雀ge人應該好少吧

正所謂 鵝立鴿群，

超搶眼

海德公園而家搞緊園遊會呢，

有機會一定要坐哥個摩天輪！！！

好有feel ge散步小徑

氣氛幾好，不過有d曬＠＠

超可愛的松鼠，

真係超得意 >/////////<

好似一間屋ge樹，

真係好正，

而且影得唔清楚，

但樹下其實好多松鼠

個天真係好靚

海德公園內的花園仔，

個雕塑上面有隻黑鴿企咗係度，

幾得意下

又係一個花園仔，

講真海德公園入面有好多雕塑，

希望下次可以再影多d相啦～～